Giddehus

Giddehus geavahuvvo dávjá vealggi dáhkádussan. Ovdal giddehusa pántema vealggi dáhkádussan giddodahkii galgá ohcat giddehusa. Giddehus sáhttá nannejuvvot giddodahkii, nugo eanasadjái dahje dállosadjái, dan mearreoassái ja man nu eará sadjái go giddodaga oamasteaddjái gullevaš mearreviidodahkii. Maiddái láigovuoigatvuođa sáhttá dihto eavttuiguin giddet.

Seamma oamasteaddjái dahje seammá oamasteddjiide seamma stuorra ossosiiguin gulli giddodagaide sáhttá nannet dihto eavttuiguin oktasašgiddehusa.

  • Giddehusa sáhttá ohcat giddodaga oamasteaddji dahje láigovuoigatvuođa hálddašeaddji.
  • Giddodaga lágačuorvaga ja láigovuoigatvuođa girjema sáhttá maid ohcat seamma áigge.

Giddehusa nannemis addojuvvo duođaštussan pántagirji, mii sáhttá leat čálalaš áššegirji dahje dušše merken lágačuorvva- ja giddehusregisteraš (elektrovnnalaš pántagirji). Giddodaga giddehusat oidnojit losádusduođaštusas.

Pántagirji ii goit leat duođaštus vealgegaskavuođas, iige  dat čájet vealggi meari. Pántavuoigatvuohta šaddá easkka, go pántagirji luohpaduvvo velgoheaddjái, ovdamearkan báŋkui, oažžumuša dáhkádussan.

Giddehus lea fámus bissovaččat, juos juo giddehus ii sierra jámihuvvo.

Skovit

Buorre diehtit

  • Giddehusa sáhttá ohcat giddodaga oamasteaddji, gii lea maŋimuš ohcan lágačuorvaga.
  • Giddodaga oamasteaddji sáhttá maid addit fápmudusa áššealbmái ohcat giddehusa. Fápmudusas galgá máinnašit giddodaga dieđuid, fápmudusa addi ja fápmudusa oažžu ja ruhtameari.
  • Giddehus sáhttá nannejuvvot easkka lágačuorvaga mieđiheami maŋŋá. Giddehusa ja lágačuorvaga sáhttá ohcat seammá áigge seamma áigge.
  • Juos ohcamuš guoská máŋgga giddehusa nannema seamma báikái, ohcamušas sáhttá mearridit daid gaskanis ovdasadjeortnega.
  • Ohcamušas sáhttá mearridit, ahte girjenvirgeolmmoš doaimmaha pántagirjji njuolga namahuvvon velgoheaddjái, gii oažžu pántavuoigatvuođa dalle go giddehus nannejuvvo. Juos dákkár mearrádus lea ohcamušas addojuvvon, dan ii sáhte geasset eret almmá pántagirjji oažžun mearriduvvon oassebeali miehtama haga.
  • Ohcci galgá almmuhit, háliidago son pántagirjji báhpára alde vai elektrovnnalažžan.
  • Giddehusášši gieđahallamis berrojuvvo máksu juohke nannejuvvon giddehusa oasil sierra.

Oza giddehusa

  • Ohcamuša sáhtát dahkat čálalaččat dahje elektrovnnalaččat.
  • Deavdde elektrovnnalaš giddehusohcamuša Giddodatgávppi neahttabálvalusas, gosa fertet vuos čálihit iežat sisa
  • Deavdde čálalaš ohcamuša ja sádde dan áššedikšunčujuhussii.
  • Merke ohcamuššii giddehusa báikki ja ruhtameari. Muitte vuolláičállosa.
  • Árvaluvvon gieđahallanáigi: 20-30 beaivve
  • Hattit (suomagillii)

Váldde oktavuođa

  • Geahča buot Eanamihtidanlágádusa oktavuođadieđuid