Lágačuorvva

Lágačuorvvan oaivvilduvvo giddodaga oamastusvuoigatvuođa girjen lágačuorvva- ja giddehusregisterii. Go giddodaga, giddodaga mearreviidodaga dahje mearreoasi oamasteaddji lotnašuvvá, ođđa oamasteaddji galgá ohcat lágačuorvaga.

  • Lágačuorvaga galgá ohcat dábálaččat guđa mánu siste dan rájes go oamastanvuoigatvuođa nuppástusa vuođđun leamen áššegirjji, nugo gávpegirjji lea vuolláičállojuvvon.
  • Lágačuorvaga galgá ohcat guđa mánu siste, vaikke fidnengirjjis livččiige ng. maŋideaddji dahje burgi eavttu vuođul vejolaš máksit gávpehaddi dahje sirdit oamastanvuoigatvuođa maŋŋelii.
  • Lágačuorvvaohcamuša maŋŋoneapmi dagaha váriidsirdinvearu bajideami.

Lágačuorvagii laktásit mearkkašahtti riekteváikkuhusat:

  • Giddodaga ođđa oamasteaddji merkejuvvo almmolaš lágačuorvva- ja giddodatregistarii, dan rájes giddehusa oamasteaddjidieđut oidnojit lágačuorvvaduođaštusas.
  • Lágačuorvva lea eaktun dasa, ahte giddodaga sáhttá geavahit vealggi dáhkádussan.
  • Mearreviidodaga laigen vuolgá johtui easka, go lágačuorvva lea mieđihuvvon.

Skovit

Lágačuorvvaohcamuša čuvvosat

Lágačuorvvaohcamuša mielde doaimmahan láhkai čuvvosat molsašuddet ohcamušas ohcamuššii. Álgoálgosaš áššebáhpárat máhcahuvvojit.

Lágačuorvaga várás galgá doaimmahit:

  • Lágačuorvvaohcamuš
  • Álgoálgosaš fidnengirji ja dasa gullevaš fápmudusgirjjit ja kárttat dalle go gažaldagas ii leat gávpenannejeaddji nannen gávpi, skeaŋka dahje lonohallan. Juos fidnengirji lea gávpenannejeaddji 20.6.2014 dahje dan maŋŋá nannen luohpadangirji, dan ii dárbbaš laktit ohcamuššii.
  • Duođaštus gávpehatti máksimis dalle go dat lea oamastanvuoigatvuođa sirdima eaktun.
  • Duođaštus váriidsirdinvearu máksimis. Juos luohpadeami oažžu lea ožžon friijema váriidsirdinvearu máksimis (om. vuosttas ássanviesu oasti), das galgá čájehit čilgehusa.
  • Kopiija árbejuvvon árbegirjjis ja sohkačilgehusas árbefidnemiin.

Eará áššebáhpáriid dárbu boahtá das, makkár fidnen, makkár oassebealit ja makkár báiki. Ovdamearkkat dárbbašlaš áššebáhpáriin leat rávvagis lágačuorvaga ohcama várás.

Lágačuorvaga gieđahallamis berrojuvvo máksu juohke ohcamuša ja giddehusa oasil sierra.

Áššebáhpáriid bivdit doaimmahit bábernjađđima haga.

Muitte dáid go ozat lágačuorvaga

  • Lavtte ohcamuššii originála fidnengirjji (om. árbejuohkogirjji) ja eará dárbbašlaš čuvvosiid (om. fápmudusgirjji, váriidsirdinvearu máksokuitte, mearreviidodaga kártta, gávpehatti máksokuitte). Juos gažaldagas lea 20.6.2014 maŋŋá nannejuvvon gávpi, álgoálgosaš gávpegirjji ii dárbbaš doaimmahit.
  • Dalle go luohpadeaddjin leat árbefidnemat ja jápminbeasit, ohcamuššii galgá laktit kopiijaid oamehasa árbegirjjis ja sohkačilgehusas.
  • Sáhtát doaimmahit ohcamuša oktan čuvvosiiguin čálalaččat dahje šleađgaboasttas.

Oza lágačuorvaga

  • Deavdde ohcamuša ja sádde dan oktan čuvvosiiguin áššedikšunčujuhussii.
  • Árvaluvvon gieđahallanáigi: 3-5 mánu
  • Hattit (suomagillii)

Váldde oktavuođa