Rádjágeavvamis čielggadit rájá saji, huksejit dárbbašlaš rádjemearkkaid láhppon mearkkaid sadjái ja merkejit dábálaččat rádjálinnjá eanadahkii. Rájá saji mearrideamis geavahit veahkkin eanadatdárkomiid (ovdamearkka dihte vuovddi gieđahallan, rádjeáiddi bázahusat), gávdnon rádjemearkkaid, boares doaimmahuskárttáid ja eananoamasteaddjiid dieđuid rájá sajis.
Rádjemearkka sáhttet maiddái sirdit unnit vahátlaš sadjái, go dat lea duššama váras ovdamearkka dihte goaivunbarggu dihte. Rádjágeavvama galgá ohcat ovdal barggu álggaheami. Dat gánneha, go rádjemearkka sirdin ovddal gihtii lea govttolut go láhppon rádjemearkkaid huksen ođđasit goaivunbargguid maŋŋá dahkkojuvvon rádjágeavvamis. Rájá sadji bissu rádjemearkka sirdimis ovddežin.
Rádjágeavvama sáhttá ohcat giddodaga oamasteaddji dahje oasseoamasteaddji, láigovuoigatvuođa hálddašeaddji, gielda dahje olmmoš, gean vuoigatvuhtii rádjágeavvan guoská njuolga (ovdamearkka dihte oktasaš guovllu osolaš).
Oza rádjágeavvama
- Čohkke vejolaš mildosiid ja vurke daid pdf- dahje jpg-hámis.
- Oza doaimmahusa Áššiiddikšunbálvalusas:
- persovdnaáššehasat
- organisašuvdnaáššehasat
Vállje vuos giddodaga ja man doaimmahusa ozat, deavdde dasto ohcamuša dieđuid ja lasit ohcamuššii vejolaš mildosiid.
Bálvalussii sáhttet čálihit iežaset organisašuvnna beales sisa dat olbmot, geaidda lea merkejuvvon gávperegistarii organisašuvnna nammačállinvuoigatvuohta.
- Juos háliidat doaimmahusa áššegirjjiid elektrovnnalaččat alccet, váldde suomi.fi-dieđuid atnui (suomagillii).
Sáhtát ohcat doaimmahusa maiddái báberhámát ohcamušskoviin (suomi.fi, suomagillii), juos dus ii leat vejolašvuohta geavahit Áššiiddikšunbálvalusa.
Eanamihtidanlágádusa lassin muhtin gielddat, dego Helsset, Vantaa ja Espoo dahket eanamihtidandoaimmahusaid guovllustis. Dán dáhpáhusas sáhtát ohcat doaimmahusa gielddas ja mii sirdit áššiiddikšunbálvalusas dahkkojuvvon ohcamuša gieldda gieđahallamii. Oaččot lassedieđuid doaimmahusaid birra gieldda siidduin.
Loga lasi rádjágeavvamis (pdf, suomagillii) ja rádjemearkkain (pdf, suomagillii).
Doaimmahusa bistin
Geahča ohcamušaid ja eananmihtidanbálvalusaid gaskamearalaš gieđahallanáiggiid Ohcamušaid gieđahallanáiggit -siiddus (suomagillii).
Haddi
Doaimmahusa haddi lea gitta rájá guhkkodagas, rádjemearkkaid mearis ja rádjái laktáseaddji giddodagaid mearis.
Rádjágeavvan
Rádjágeavvama giddodatdoaimmahusmáksu mearrašuvvá čuovvovaččat:
A) Dábálaš rádjágeavvan:
- 100 € juohke gevvojuvvon rájá mearrideaddji rádjáčuoggás
- 160 € juohke rádjágeavvamii oasálaš registtarovttadagas
- 0,60 € juohke eananguovllus gevvojuvvon álgi rádjámehteris
B) Giddodathábmenlága 108 § mieldásaš rádjágeavvan (rádjemearkka sirdin dahje divvun):
- 150 € juohke huksejuvvon, sirdojuvvon dahje divvojuvvon rádjemearkkas
- 100 € juohke rádjágeavvamii oasálaš registtarovttadagas
Mearrideaddji rádjáčuoggáin oaivvilduvvo juohke gevvojuvvon rájá mearrideaddji rádjemearkka dahje rádjáčuoggá. Lunddolaš rájá rádjáčuoggát eai rehkenasto mielde, juos rádjáčuoggái ii leat huksejuvvon rádjágeađgi. Juos rádjáčuoggá sadji lea čájehuvvon guvttiin dahje máŋggain rádjemearkkain, mearrideaddji rádjáčuoggáid mearrin rehkenasto okta.
Eará go giddodathábmenlágas oaivvilduvvon registtarovttadaga rádjágeavvamis ja áiggi vuođul máksin láhkái doaimmahusa oktavuođas čađahuvvon rádjágeavvamis mearriduvvo giddodatdoaimmahusmáksu geavahuvvon bargoáiggi vuođul.