Rádjegeassindoaimmahusat

Rádjegeassin lea giddodatmeroštallandoaimmahus, mas čielggaduvvo giddodaga rájáid sajádat meahcis.

Skovit

Goas rádjegeassin dárbbašuvvo?

Rádjegeassin dárbbašuvvo, go rádjemearkkat lea jávkan dahje ráji báiki lea muđuid eahpečielggas. Rádjegeassimis čielggaduvvo ráji báiki lágafámolaččat, ráhkaduvvojit dárbbašlaš rádjemearkkat ja -dihkát meahccái jávkan sadjái ja rahppojuvvo rádjelinnjá.

Rádjegeassin ohccojuvvo Eanamihtidanlágádusa áššehasbálvaleamis

Ohcamušskovi oažžu Eanamihtidanlágádusa áššehasbálvaleamis, dan sáhttá čálihit Eanamihtidanlágádusa interneahttasiidduin dahje deavdit elektrovnnalaččat (Suomi.fi -portálas) (suomagillii).

Eanamihtidanlágádus mearrida doaimmahussii doaimmahusinšeneavrra ja sádde ohccái almmuhusa álgui bidjamis. Almmuhus sisttisdoallá earret eará doaimmahusinšeneavrra oktavuođadieđuid.

Mii rádjegeassimis dáhpáhuvvá?

Doaimmahusinšeneavra dahká giddodatmeroštallandoaimmahusa dahjege rádjegeassima okto dahje ovttas guvttiin oskojuvvon albmáiguin. Oskojuvvon albmát geavahuvvojit, jos doaimmahusinšeneavra oaidná dan dárbbašlažžan dahje gii nu áššeoasálaččain dan gáibida.

Doaimmahus álggahuvvo čoahkkimiin, masa bovdejuvvojit buohkat rádjeránnját. Čoahkkima ovdal lea dáhpáhuvvan arkiivadutkamuš, mas lea čielggaduvvon earret eará goas rádji lea maŋimuš rádjefámolaččat čielggaduvvon ja makkár rádjemearkkat leat dalle ráhkaduvvon.

Doaimmahusčoahkkimii laktása álo fitnan meahcis. Ráji báiki meroštallamis geavahuvvojit veahkkin meahcis gávdnon rádjemearkkat, boares doaimmahuskárttat ja áššeoasálaččaid ovdanbuktin duođaštusat ráji báikkis. Čielggadusaid vuođul mearriduvvo ráji báikki, huksejuvvojit dárbbašlaš rádjemearkkat ja rahppojuvvojit rádjelinnját.

Goasttádusaid juohkin ja doaimmahusa loahpaheapmi

Čoahkkimis gieđahallojuvvo maiddái doaimmahusgoasttádusaid juohku áššeoasálaččaid gaskkas. Giddodatdoaimmahusmáksu mearrašuvvá eana- ja meahccedoalloministeriija mávssuid guoski ásahusa mielde. Doaimmahusmávssu lassin berrojuvvojit vejolaš veahkkeolbmuid bálkkát ja goasttádusat bohccemearkkain.

Doaimmahusa loahpaheami maŋŋá

Doaimmahusa lágafámu maŋŋá Eanamihtidanlágádus dahká giddodatdiehtovuogádahkii dárbbašlaš merkejumiid. Doaimmahusa álgovuolggalaš áššegirjjit ja doaimmahuskárta arkiverejuvvojit bissovaččat. Áššegirjjiin ja lea kárttain oažžu kopiijaid Eanamihtidanlágádusa áššehasbálvaleamis.
Eanamihtidanlágádusa áššehasbálvaleapmi addá doaimmahussii laktáseaddji lassedieđuid.

Eanamihtidanlágádusa áššehasbálvaleamis oažžu áššedovdi veahkki maiddái eará giddodagaide laktáseaddji áššiin. Doaimmahusinšeneavrrat leat maiddái almmolaš gávpenannejeaddjit. Eanamihtidanlágádusa áššehasbálvaleamis sáhttá skáhppot iešguđetgelágan giddodahkii dahje mearreviidodahkii laktáseaddji duođaštusaid, dego giddodatregisttarváldosiid, lágačuorvvaduođaštusaid ja losádusduođaštusaid ja kárttaid.