Geaidnovuoigatvuohta oaivvilda bissovaš, giddodahkii gullevaš vuoigatvuođa geavahit nuppi giddodaga guovllu johtima várás.
Doaimmahusas vigget čuovvut eananoamasteaddjiid gaskasaš soahpamušaid, muhto vuoigatvuođa sáhttá dihtto eavttuid vuođul oažžut maiddái soahpamuša dahje losiduvvon giddodaga oamasteaddji miehtama haga. Geaidnovuoigatvuođa vuođđudeamis ja gieđahallamis ásahuvvo priváhtageaidnolágas.
Bissovaš geaidnovuoigatvuohta ođđa priváhtageidnui sáhttá šaddat dušše eanamihtidandoaimmahusas ja dat lea giddodaga oamasteaddjimolsumiin sorjjasmeahttun. Geainnu geavaheapmi lea vejolaš maiddái eananoamasteaddjiid soahpamuša vuođul, muhto dákkár vuoigatvuohta čatná dušše soahpamuša dahkan olbmuid.
Priváhtageaidnodoaimmahusas sáhttá maiddái addit mearrádusaid ovdal vuođđuduvvon geaidnovuoigatvuođa geavaheamis dahje čoavdit geaidnovuoigatvuhtii laktáseaddji eahpečielggasvuođaid.
Doaimmahusas mearriduvvo ee. čuovvovaš áššiin:
-
geaidnovuoigatvuođaid vuođđudeapmi, sirdin dahje heaittiheapmi
-
geainnu huksen- ja fuolahusgoluid juohkin geaidnoosolaččaid gaskkas
-
buhtadusat
-
geavahanvuoigatvuođaid vuođđudeapmi muorragálvvu vurkema, sátkku dahje brukka várás
-
geaidnogotti vuođđudeapmi
-
geainnu geavaheapmái laktáseaddji eahpečielggasvuođa čoavdin
Priváhtageaidnodoaimmahusa sáhttá ohcat ee. geaidnoosolaš, giddodaga oamasteaddji dahje oasseoamasteaddji ja geaidnogoddi. Geaidnogotti ohcamuš gáibida geaidnogotti čoahkkima mearrádusa doaimmahusa ohcamis. Ohcamuša dahká geaidnogotti ságadoalli dahje geaidnogotti fápmudan olmmoš.
Oza priváhtageaidnodoaimmahusa
-
Čohkke vejolaš áššái laktáseaddji mildosiid, dego soahpamušaid ja kártásárgosiid, ja vurke daid pdf- dahje jpg-hámis. Soahpamii sáhttá geavahit válmmaš soahpamušmálle (suomi.fi).
-
Oza doaimmahusa Áššiiddikšunbálvalusas:
Vállje vuos giddodaga ja man doaimmahusa ozat, deavdde dasto ohcamuša dieđuid ja lasit ohcamuššii vejolaš mildosiid.
Bálvalussii sáhttet čálihit iežaset organisašuvnna beales sisa dat olbmot, geaidda lea merkejuvvon gávperegistarii organisašuvnna nammačállinvuoigatvuohta.
Geahča video ná deavddát doaimmahusohcamuša (3,5 min.)
Juos háliidat doaimmahusa áššegirjjiid elektrovnnalaččat alccet, váldde suomi.fi-dieđuid atnui.
Sáhtát ohcat doaimmahusa maiddái báberhámát ohcamušskoviin (pdf, suomi.fi), juos dus ii leat vejolašvuohta geavahit Áššiiddikšunbálvalusa.
Priváhtageaidnodoaimmahusa golut
Goluin vástida dábálaččat ohcci dahje geaidnogoddi.
Doaimmahusa bistin
Geahča ohcamušaid ja eananmihtidanbálvalusaid gaskamearalaš gieđahallanáiggiid Ohcamušaid gieđahallanáiggit -siiddus.
Haddi
Doaimmahusa haddi vuođđuduvvá tiippalaččat geainnu guhkkodahkii ja losiduvvon giddodagaid lohkui. Ovddal gihtii dahkkojuvvon čálalaš soahpamuš unnida doaimmahusmávssu. Geaidnodoaimmahusa mávssuin vástida dábálaččat ohcci dahje geaidnogoddi.