Sáhtát ohcat oasuslanjadahkii geavahanvuoigatvuođa registrerema dušše dáid diliin:
- leaskka hálddašanvuoigatvuohta
- testamentii vuođđuduvvi geavahanvuoigatvuohta.
Fuom! Juos geavahanvuoigatvuohta lea sohppojuvvon ovdamearkka dihte gávpe- dahje skeaŋkagirjjis, dan ii sáhte registreret lanjadatdiehtovuogádahkii.
Geavahanvuoigatvuođa registreren dorvvasta du vuoigatvuođaid, nappo oasuslanjadaga oamasteaddji ii sáhte du miehtama haga vuovdit lanjadaga dahje ohcat lanjadahkii pántema registrerema.
Oasuslanjadaga geavahanvuoigatvuohta merkejuvvo lanjadatdiehtovuogádahkii. Dán maŋŋá geavahanvuoigatvuohta oidno ráddjehussan oasuslanjadatčáláhusas ja oasuslogahallamis.
Sáhtát ohcat geavahanvuoigatvuođa registrerema dasto, go ásodatsearvi gullá lanjadatdiehtovuogádahkii.
Leaskka hálddašanvuoigatvuohta
Oza iežat hálddašanvuoigatvuođa registrerema, juos leat báhcán leaskan ja doalat hálddustat oktasaš ruovttu dahje eará ruoktun heivvolaš oasuslanjadaga.
Testamentii vuođđuduvvi geavahanvuoigatvuohta
Geavahanvuoigatvuohta vuođđuduvvá testameanttas leahkki ektui.
Oza iežat geavahanvuoigatvuođa registrerema, juos leat ožžon testameanttas geavahanvuoigatvuođa oasuslanjadahkii.
Gieđahallanáigi
Dárkkis ohcamušaid gaskamearálaš gieđahallanáiggiid (suomagillii).
Ná ozat iežat geavahanvuoigatvuođa registrerema
- Dárkkis hovdejeaddjis dahje Eanamihtidanlágádusa áššehasbálvalusas, ahte ásodatsearvvi oasuslogahallan lea sirdojuvvon lanjadatdiehtovuogádahkii.
- Čohkke ohcamuššii dárbbašlaš mildosiid:
– árbegirjji ja sohkačielggadusa, go gažaldat lea leaskka hálddašanvuoigatvuođas.
– árbegirjji ja testameantta, go gažaldat lea testamentii vuođđuduvvi geavahanvuoigatvuođas. - Deavdde ohcamuša (suomagillii).
- Sádde ohcamuša mildosiiddisguin dorvodiehtun dahje poastta mielde.