Rádjágeavvan Suoma ja Norgga riikarájáin lea álgán – eanadatbarggut, ovttasbargu ja ustitvuohta

Rádjágeavvamii nammaduvvon sáttagoddi lea álggahan barggu Suoma ja Norgga gaskasaš riikarájás. Jagi 2022 barggus deattuhit riikarájá ortnega dárkkisteami, ja rádjáguovllu áigot maiddái govvet áimmus borgemánus. Rádjágeavvan geargá maŋimustá jagi 2025.

22.6.2022
Golmma riikka rádjágeađgi Gilbbesjávrris.
Golmma riikka rádjágeađgi Gilbbesjávrris.
Photo:
Kartverket

Eanadatbarggut rádjágeavvamis Suoma ovddasvástádussan leahkki riikarájá oasil Ohcejoga Njuorggámis gitta Anára Muotkevári rádjái álget geassemánu loahpas. Rádjá mihtiduvvo, dárkkistuvvo ja dokumenteren beaiváduvvo. Bargu joatkašuvvá borgemánnui rádjámearkkaid fuolahemiin.

Norgga ovddasvástádussan leahkki riikarájá oasil eanadatbarggut dahkkojuvvojit eanáš jagiid 2023 ja 2024. Norgga guovlu manná Eanodaga Gilbbesjávrris gitta Anára oarjeoassái rádjágeađggi 342A rádjái, gos eananrádjá nuppástuvvá Deanu čázádagas johkarádján.

1) Eanadatbarggut rádjágeavvamis Suoma ovddasvástádussan leahkki riikarájá oasil Ohcejoga Njuorggámis gitta Anára Muotkevári rádjái álget geassemánu loahpas. Photo: Maanmittauslaitos. 2) Riikarájá rádjágeađggi 294A váibmogeađgi govvejuvvon Suoma bealde. Jahkelohku lea rádjágeađggi huksenjahki. Photo: Kartverket.
1) Eanadatbarggut rádjágeavvamis Suoma ovddasvástádussan leahkki riikarájá oasil Ohcejoga Njuorggámis gitta Anára Muotkevári rádjái álget geassemánu loahpas. 2) Riikarájá rádjágeađggi 294A váibmogeađgi govvejuvvon Suoma bealde. Jahkelohku lea rádjágeađggi huksenjahki. Photo: Kartverket.
 

Rádjágeavvan lea čavddis ovttasbargu

Rádjágeavvan, mii dahkkojuvvo 25 jagi gaskkaid, lea dehálaš buorre rádjáránnjávuođa oassi. Rádjágeavvamis rádjáguovlu ja rádjágeđggiid dilli dárkkistuvvojit, iige rádjá sirdojuvvo mange guvlui. Rádjágeavvansáttagottit Suomas ja Norggas dahket barggu olgoministeriijaid jođihusas, ja bohtosat dokumenterejuvvojit olgoministeriijaid oktasaš adnui.

– Lea dehálaš, ahte riikarádjá lea dokumenterejuvvon ja merkejuvvon eanadahkii ovttačilggolaš vugiin, kártáčoakkáldathoavda Jyrki Lämsä lohká.

– Mii vuordit iluin álggahit riikkarájá kártenbarggu ovttas Suoma kollegaideametguin. Dat joatká 1700-logus álggahuvvon dehálaš árbevieru ja lea lassin buori ránnjávuođa symbola, lohká Norgga Kártadoaimmahaga hoavda Johnny Welle.

Eanamihtidanlágádus oassálastá rádjágeavvamii operatiivvalaš rollas. Geavatlaččat bargit leat mielde mihtidemiin ja eará eanadatbargguin, dokumenteremis ja kommunikašuvnnas. Rádjegozáhusa bargguide fas gullet fuolahusbarggut nappo ovdamearkka dihte gopmanan dahje málema dárbbašeaddji rádjágeđggiid dikšun sihke fievrridemiid ordnen rádjáguvlui. 

– Guovllus ássi ja orodeaddji olbmuide bargu oidno eanadagas ja ovdamearkka dihte helikoptergirdimin rádjáguovllus. Suoma rádjágeavvansáttagoddi dieđiha rádjágeavvamii laktáseaddji bargguinis áššáigullevaš guovlluid aviissain sihke vejolašvuođaid mielde maiddái sosiála medias ovttasbarggus Norggain, Lämsä muitala.

Lassedieđut

Kártačoakkáldathoavda Jyrki Lämsä, +358 40 524 2508, ovdanamma.sohkanamma@maanmittauslaitos.fi

Mediaoktavuođaváldimat 22–23.6.2022 virgeáiggi siste

Mediadieđáhus
Eanamihtidandoaimmahus
Kárttát
Linkit

Ođđasat