Laigen álgá lágačuorvagis
Mearreviidodaga oamasteaddji galgá ohcat oamastusnuppástusa girjema nappo lágačuorvaga Eanamihtidanlágádusas guhtta mánotbaji siste gávpegirjji dahje eará fidnengirjji vuolláičállimis.
– Oamastanvuoigatvuođa girjemii laktásit riekteváikkuhusat ja dán dihte ohcama ii gánnet ájihit. Laigen váldojuvvo gieđahallamii automáhtalaččat lágačuorvaga mieđiheami oktavuođas. Oamasteaddji sáhttá maiddái ieš ohcat Eanamihtidanlágádusas iežas giddodaga laigema iežas háliidan oassin, lohká buvttadanhoavda Hannu Rönty Eanamihtidanlágádusas.
Ođđa ráját merkejuvvojit eanadahkii rádjemearkkaiguin
Laigemis mearrádusat dahkkojuvvojit doaimmahusčoahkkimis, masa buot áššeoasálaččat bovdejuvvojit.
– Čoahkkimis ja dan oktavuođas dahkan láhkái eanadatbargguin mihtidit ođđa giddodaga rájáid ja merkejit daid eanadahkii, rehkenastet viidodaga, čielggadit johtima, addet nama ođđa giddodahkii ja gieđahallet earáge ođđa giddodahkii guoskevaš áššiid. Muhtumin laigema dáfus dárbbašlaš boares rádjemearkkat leat láhppon ja dalle čielggadit ovdal leahkki rájáid ja rádjemearkkaid sajiid dárbbašlaš osiid laigema oktavuođas. Muhtin dáhpáhusain laigema sáhttá dahkat čálalaš meannudemiin čoahkkima haga, Rönty muitala.
Doaimmahusa čuozáhahkan leamaš giddodagaid oamasteaddjiide sáddejuvvojit váldosat doaimmahusáššegirjjiin elektrovnnalaččat Suomi.fi-dieđut -bálvalusa bokte dahje eanapoasttain. Dán maŋŋá ođđa giddodat registrerejuvvo giddodatregistarii.
Čielga giddodatvuogádat ovddida ekonomalaš doaimmaid ja buktá dorvvolašvuođa
Mii ávkkiid laigemis dasto lea? Oamastanvuoigatvuođa girjen, dn. lágačuorvvuheapmi, dahká oamastusnuppástusa almmolažžan ja dorvvasta oamastanvuoigatvuođa. Lágačuorvvuhuvvon mearreviidodaga sáhttá geavahit pántan ja dáhkádussan loana ohcamis.
– Go mearreviidodat lea lágačuorvvuhuvvon ja laigojuvvon giddodahkan, dat oidno kárttás ja registariin ja dan oamasteaddjit, vuoigatvuođat ja geatnegasvuođat leat dieđus ja čielgasat. Okta ovdu, man ii kánske fuomáš jurddašitge lea dat, ahte giddodaga oamasteaddji oažžu sihkkarappot dieđuid vejolaš dállui guoskevaš infrafidnuin ja plánain ja bastá váikkuhit daidda dalán álggu rájes, Rönty lohká.
– Čielga ráját eanadagas ja kárttás buktet dorvvolašvuođa, eaige ránnjáiguin šatta eahpečielggasvuođat giddodatoamastusa rájáin.
Lassedieđut
Laigendoaimmahusa hattit ja rávvagat doaimmahusa ohcamii (suomagillii)