Badjel 200-jahkásaš Eanamihtidanlágádus dahká iešguđetlágan eanamihtidandoaimmahusaid nugo ovdamearkka dihte laigemiid ja dállooasseordnestallamiid sihke buvttada kártamateriálaid ja ovddida daid geavaheami.
Eananmihtidanlágádus dorvvasta eanaoamastusa ja loanaaddinvuogádaga bajásdoallamiin giddodagaid ja oasusvisttiid dieđuid registariinnis sihke fuolahemiin oamastanvuoigatvuođaid registreremiin ja giddemiin. Lágádusa bargguide gullá maiddái báikedieđu dutkamuš ja heiveheapmi.
Eanamihtidanlágádusa vuođđobargguin ásahuvvo lágain Eanamihtidanlágádusa birra (Finlex.fi). Eanamihtidanlágádusa bargoortnegis (Finlex.fi) meroštallojuvvojit detáljadásis Eanamihtidanlágádusa ovttadagat ja daid bargguid ordnen. Eanamihtidanlágádus lea stáhta virgedoaimmahat, mii gullá eanan- ja meahccedoalloministeriija hálddahussuorgái (mmm.fi).
Eanamihtidanlágádusas leat doaibmasajit 36 báikegottis birra Suoma, Maarianhaminas gitta Avvilii. Bargit leat oktiibuot sullii 1800s. Organisašuvdna lea hábmejuvvon guovddášhálddahusas sihke njeallje doaibmanovttadagas, mat leat Buvttadeapmi, Almmushálddahus, Diehtohálddahus ja Báikediehtoguovddáš .