Mii ávkkástallat automáhtalaš mearrádusdahkama oasis min bálvalusaid. Automáhtalaš mearrádusdahkan mearkkaša, ahte du ášši mearriduvvo automatihka vehkiin.
Mii lea automáhtalaš mearrádusdahkan?
Automáhtalaš mearrádusdahkan vuođđuduvvá dárkilis gieđahallannjuolggadusaide. Gieđahallannjuolggadusaiguin sihkkarasto ovdamearkka dihte dat, ahte mearrádusdahkan ii vealat geange.
Ášši sáhttá mearridit automáhtalaččat dušše, juos mearrádusa sáhttá dahkat njuolgga ohcamuša vuođul. Ášši mearrideapmi sirdojuvvo ohcamušgieđahallái, juos ášši gieđahallan gáibida lassečielggadusaid dahje mearrádus lea negatiivvalaš.
Maid dát mearkkaša dutnje?
Automáhtalaš mearrádusdahkan jođálmahttá du ášši mearrideami oalle olu, ja sáhtát oažžut mearrádusa áššásat dalán. Du oažžun mearrádusas albmana, leago du ášši mearriduvvon automáhtalaččat.
Maid áššiid sáhttá mearridit automáhtalaččat?
Mii ávkkástallat automáhtalaš mearrádusdahkama dušše oasis min bálvalusaid. Dáid bálvalusain lea dahkkon geavahussiiváldinmearrádus (fidnemis suomagillii ja ruoŧagillii). Geavahussiiváldinmearrádusas lea muitaluvvon, mainna ákkain automáhtalaš mearrádusdahkan lea váldojuvvon geavahussii ja maid lágaid das heivehit.
Aiddo dál mii ávkkástallat automáhtalaš mearrádusdahkama giddehusa ohcamis, elektrovnnalaš pántagirjji sirdimis ja virgeoapmahaččaid almmuhusaid merkemis.
Juos it hálit, ahte du ášši mearriduvvo automáhtalaččat, oza giddehusa dahje elektrovnnalaš pántagirjji sirdima báberskoviin (suomi.fi).