Losádusain oaivvilduvvo giddodaga vuoigatvuohta geavahit nuppi giddodaga guovllu dihtto ulbmilii (omd. sátku). Losádus laktása álot giddodahkii ja lea oamasteaddjimolsumiin sorjjasmeahttun.
Losádusvuoigatvuođa vuođđudeamis, sirdimis, nuppástuhttimis ja heaittiheamis ásahuvvo giddodathábmenlágas. Váldoáššálaččat ovdal máinnašuvvon doaibmabijut gáibidit soahpamuša. Soahpamuša lea vejolaš dahkat ovddal gihtii omd. skoviin (suomi.fi, suomagillii) dahje dan sáhttá dahkat njálmmálaččat doaimmahusčoahkkimis. Sajádatlávvaguovllus dihtto losádusvuoigatvuođaid sáhttá vuođđudit eananoamasteaddjiid soahpamuša dahje miehtama haga.
Losádusdoaimmahusa sáhttá ohcat giddodaga oamasteaddji dahje oktasaš guovllu osolaš. Oza losádusdoaimmahusa, juos háliidat vuođđudit ođđa dahje nuppástuhttit iežat giddodaga jo leahkki losádusvuoigatvuođaid. Dušše lágas meroštallojuvvon losádustiippaid (gea. giddodathábmenláhka 154 §, suomagillii) sáhttá vuođđudit, sirdit, váldit eret dahje nuppástuhttit.
Oza losádusdoaimmahusa
- Čohkke vejolaš áššái laktáseaddji mildosiid dego soahpamušaid ja kártásárgosiid, ja vurke daid pdf- dahje jpg-hámis. Soahpamii sáhttá geavahit válmmaš soahpamušmálle (suomi.fi, suomagillii).
- Oza doaimmahusa Áššiiddikšunbálvalusas:
- persovdnaáššehasat
- organisašuvdnaáššehasat
Vállje vuos giddodaga ja man doaimmahusa ozat, deavdde dasto ohcamuša dieđuid ja lasit ohcamuššii vejolaš mildosiid. Bálvalussii sáhttet čálihit iežaset organisašuvnna beales sisa dat olbmot, geaidda lea merkejuvvon gávperegistarii organisašuvnna nammačállinvuoigatvuohta.
Geahča video ná deavddát doaimmahusohcamuša (3,5 min, suomagillii)
- Juos háliidat doaimmahusa áššegirjjiid elektrovnnalaččat alccet, váldde suomi.fi-dieđuid atnui (suomagillii).
Sáhtát ohcat doaimmahusa maiddái báberhámát ohcamušskoviin (suomi.fi, suomagillii), juos dus ii leat vejolašvuohta geavahit Áššiiddikšunbálvalusa.
Eanamihtidanlágádusa lassin muhtin gielddat, dego Helsset, Vantaa ja Espoo dahket eanamihtidandoaimmahusaid guovllustis. Dán dáhpáhusas sáhtát ohcat doaimmahusa gielddas ja mii sirdit áššiiddikšunbálvalusas dahkkojuvvon ohcamuša gieldda gieđahallamii. Oaččot lassedieđuid doaimmahusaid birra gieldda siidduin.
Doaimmahusa bistin
Geahča ohcamušaid ja eananmihtidanbálvalusaid gaskamearalaš gieđahallanáiggiid Ohcamušaid gieđahallanáiggit -siiddus (suomagillii).
Haddi
Doaimmahusa haddi vuođđuduvvá losiduvvon giddodagaid lohkui. Ovddal gihtii dahkkojuvvon čálalaš soahpamuš unnida doaimmahusmávssu.