Lanjadatdiehtovuogádagas ásahuvvo lágas, ja dan ollašuhttimis ja bajásdoallamis vástida Eanamihtidanlágádus.
Lanjadatdiehtovuogádat váldojuvvui atnui vuos ásodatservviin. Go ásodatsearvvit leat sirdán oasuslogahallamiid lanjadatdiehtovuogádahkii, lea oasuslanjadaga oamasteaddjiid vuorru muhttit oasusgirjjiid elektrovnnalažžan 10 jagi siste ásodatsearvvi sirdašuvvamis.
Ásodatsearvvit sirdašuvve lanjadatdiehtovuogádahkii
Ovdal jagi 2019 vuođđuduvvon ásodatservviin lei mearreáigi sirdit oasuslogahallamiiddiset lanjadatdiehtovuogádahkii jagi 2023 loahpa rádjái. Buot jagi 2019 dahje dan maŋŋá vuođđuduvvon ásodatoasusfitnodagat ja gaskasaš giddodatoasusfitnodagat leat njuolga lanjadatdiehtovuogádagas. Go ásodatsearvi lea lanjadatdiehtovuogádagas, Eanamihtidanlágádus vástida oasuslogahallama bajásdoallamis ja oasuslogahallama oažžu lanjadatdiehtovuogádagas.
Fuom! Juos du ásodatsearvi ii leat vel sirdašuvvan lanjadatdiehtovuogádahkii, sirdin dahkkojuvvo čujuhusas https://osakehuoneistorekisteri.fi (suomagillii).
Loga lasi ásodatsearvvi diehtobálvalusas osakehuoneistorekisteri.fi-siidduin (suomagillii).
Oasuslanjadaga oamasteaddji ohcá oamastusa registrerema
Go ásodatsearvi lea sirdašuvvan lanjadatdiehtovuogádahkii, juohke oasuslanjadaga oamasteaddji ohcá oamastusa registrerema.
Go oasuslanjadaga oamasteaddji molsašuvvá, ovdamearkka dihte gávppi dahje árbedili dihte, ođđa oamasteaddji galgá ohcat oamastusa registrerema guokte mánotbaji siste. Eará dáhpáhusas oamastusa registreremii lea áigi 10 jagi. Mearreáigi álgá das, go du ásodatsearvi lea sirdašuvvan lanjadatdiehtovuogádahkii.
Oamastusa registrerema oktavuođas Eanamihtidanlágádus fámohuhttá báberhámát oasusgirjji. Go oasuslanjadagas lea elektrovnnalaš oamasteaddjimerken, oasuslanjadaga oamastusdieđuid oažžu lanjadatdiehtovuogádagas.
Loga lasi oamastusa registreremis
Dieđut sierra doaibmiid geavahussii
Lanjadatdiehtovuogádagas fállojuvvo diehtobálvalus čáláhussan, mat leat oasuslogahallan ja oasuslanjadatčáláhus. Čáláhusat sisttisetdollet vuođđodieđuid oamastusain.
Oasuslogahallan gokčá ásodatsearvvi, oasuslanjadagaid ja daid oamasteaddjiid vuođđodieđuid. Oasuslanjadatčáláhussii leat čohkkejuvvon ovtta lanjadahkii guoskevaš dieđut: ásodatsearvvi, lanjadaga, oamasteaddjiid, pántemiid ja ráddjehusaid vuođđodieđut. Dát čáláhusat dárbbašuvvojit ovdamearkka dihte ásodatgávppi oktavuođas.
Diehtobálvalus fállojuvvo maid lavttaid bokte ámmátolbmuide, geat dárbbašit dan barggustis. Heaggadieđuid sisttisetdoalli čáláhusaid sáhttá oažžut geavahussii dušše dalle, go dieđuid geavaheapmái lea dohkálaš ágga.
Loga lasi lanjadatdieđuid laktabálvalusain (suomagillii)
Diehtosisdoallu viiddiduvvo
Eanamihtidanlágádus fállá ámmátolbmuide lavttaid lanjadatdiehtovuogádaga dieđuide. Geavahusas leahkki lavttaid lassin Eanamihtidanlágádus ollašuhttá lavttaid ohcamušaid sáddemii elektrovnnalaččat Eanamihtidanlágádussii.
Lanjadatdiehtovuogádaga diehtosisdoallu viidána boahtteáiggis gieđahallat maid ásodatservviid hálddatlaš dieđuid. Boahtteáiggis lanjadatdiehtovuogádagas oidno earret eará oasuslanjadaga oamasteaddjiid oassi ásodatsearveloanas.
Loga lasi lanjadatdiehtovuogádat ovdánahttimis (suomagillii)