Oasuslogahallama sirdinbálvalus (suomagillii) lea Eanamihtidanlágádusa bálvalus, mainna ásodatsearvi sáhttá sirdit searvvi oasuslogahallama lanjadatdiehtovuogádahkii.
Lanjadatdiehtovuogádahkii sirdašuvvan dáhpáhuvvá guokte muttus.
Muddu 1: Ásodatsearvi sirdá oasuslogahallama
Oasuslogahallama sirdima dahká hovdejeaddji dahje ásodatsearvvi stivrra ságadoalli. Sirdimis berrojuvvo máksu (suomagillii).
Ovdal jagi 2019 vuođđuduvvon ásodatsearvvit sirdet oasuslogahallamiiddiset sirdinbálvalusas, masa sáhttá buktit ásodatsearvvi dieđuid maid sirdinfiilan hovdenvuogádagas. Oasuslogahallama sirdima oktavuođas dieđuid galgá vel dárkkistit ja dievasmahttit.
Jagi 2019 dahje dan maŋŋá vuođđuduvvon ásodatsearvvit eai dárbbaš sirdit oasuslogahallama, go dieđut bohtet automáhtalaččat lanjadatdiehtovuogádahkii gávperegistarii registrerema oktavuođas.
Maid ásodatsearvi galgá bargat ovdal sirdima? (suomagillii)
Geahča listtu sirdin láhkái dieđuin (suomagillii)
Sirdde oasuslogahallama (suomagillii)
Go ásodatsearvvi oasuslogahallan lea sirdojuvvon lanjadatdiehtovuogádahkii, ásodatsearvi galgá almmuhit das oasuslanjadagaid oamasteaddjiide. Ásodatsearvi ii šat dárbbaš bajásdoallat oasuslogahallama iige čielggadit oamasteaddjinuppástusaid. Ásodatsearvi ja hovdejeaddji ožžot boahtteáiggis dieđuid lanjadatdiehtovuogádagas.
Muddu 2: Oasuslanjadaga oamasteaddji ohcá iežas oamastusa registrerema
Oasuslanjadaga oamasteaddjiin lea oasuslogahallama sirdima maŋŋá 10 jagi áigi ohcat iežaset oamastusa registrerema ja báberhámát oasusgirjji fámohuhttima Eanamihtidanlágádusas. Son doaimmaha báberhámát oasusgirjji Eanamihtidanlágádussii fámohuhttin láhkái ja boares oasusgirji buhtaduvvo elektrovnnalaš oamasteaddjimerkemiin.
Ásodatgávppi oktavuođas ođđa oamasteaddji galgá ohcat iežas oamastusa registrerema 2 mánotbaji siste gávppi maŋŋá.
Registrere oasuslanjadaga oamastanvuoigatvuođa
Áššiiddikšunveahkki: ná registreret iežat lanjadaga oamastusa (suomagillii)
Geahča oamastusa registrerema gieđahallanáiggiid (suomagillii)