Go oasuslanjadaga vuovdis lea elektrovnnalaš oamasteaddjimerken lanjadatdiehtovuogádagas, oasti dárbbaša vuovdi miehtama oasuslanjadaga oamastusa registreremii.
Miehtan dárbbašuvvo maid dalle, go oasuslanjadat lea addojuvvon skeaŋkan. Miehtan dárbbašuvvo maid pántema registreremii. Dalle miehtama addá oamasteaddji dahje ođđa oamasteaddji, gean oamastusoassi pántejuvvo.
Miehtan oamastusa registreremii
Oasuslanjadaga oamastusa registreremii dárbbašuvvo vuovdi miehtan.
Sáhtát duođaštit miehtama laktimiin ohcamuššii
- gávpegirjji kopiija dahje
- čálalaš miehtama, mas leat vuovdi oktavuođadieđut (telefonnummir ja šleađgapoastačujuhus).
Eanamihtidanlágádus sihkkarastá miehtama vuovdis.
- čálalaš miehtama sáhttá addit maid ohcamušskoviin.
Go vuovdin lea jápminbeassi, dáhtu miehtama buot jápminbeasi osolaččain:
- Juos jápminbeasi osolaččaid dieđut leat lanjadatdiehtovuogádagas, lea doarvái, dahje lavttát ohcamuššii gávpegirjji dahje čálalaš miehtama
- Juos lanjadatdiehtovuogádagas eai leat osolaččaid dieđut, Eanamihtidanlágádus dárkkista jápminbeasi osolaččaid dieđuid. Lavtte dalle ohcamuššii gávpegirjji dahje čálalaš miehtama lassin árbegirjji, sohkačielggadusa ja testameantta, juos dat lea dahkkon.
- Juos jápminbeasi osolaš lea fápmudan olbmo addit miehtama, lavtte váldegirjji ohcamuššii.
Miehtan pántema registreremii
Oasuslanjadaga pántema registrerema (suomagillii) ohcá loanaaddi (dábálaččat báŋku). Pántema registreremii dárbbašuvvo oamasteaddji miehtan.
Miehtama duođašteapmái leat guokte molssaeavttu:
- báŋku laktá ohcamuššii kopiija vuolláičállon pántenčatnašumis
- oasuslanjadaga oamasteaddji vuolláičállá pántema registrerenohcamuša
Juos oamastanvuoigatvuohta ii leat vel sirdašuvvan ođđa oamasteaddjái, pántema registreremii dárbbašuvvo maid vuovdi miehtan.
Loga lasi pántema registreremis