Loanaaddi (dábálaččat báŋku) ohcá pántema registrerema, go oasuslanjadaga oamasteaddji geavaha oasuslanjadaga loana dáhkádussan. Pánten registrerejuvvo Eanamihtidanlágádusa lanjadatdiehtovuogádahkii. Lanjadatdiehtovuogádagas leahkki pántenmerken geavahuvvo oasusgirjji geavaheami sajis loana dáhkádussan.
Pántema sáhttá registreret, go oasuslanjadagas lea elektrovnnalaš oamasteaddjimerken lanjadatdiehtovuogádagas. Báŋku sáhttá ohcat pántema ja oamastusa registrerema ovtta áigge.
Oasuslanjadaga pántenmerken oidno oasuslanjadatčáláhusas.
Ná ozat pántema registrerema
- Dárkkis hovdejeaddjis dahje Eanamihtidanlágádusa áššehasbálvalusas, ahte ásodatsearvvi oasuslogahallan lea sirdojuvvon lanjadatdiehtovuogádahkii.
- Dárkkis, ahte lanjadagas lea elektrovnnalaš oamasteaddjimerken.
- Deavdde ohcamuša (suomagillii) oasuslanjadaga pántema registreremii. Lavtte ohcamuššii oasuslanjadaga oamasteaddji miehtama (suomagillii). Pántema sáhttá registreret oasuslanjadahkii dan olles árvui dahje euromearát ráddjehusain.
- Sádde ohcamuša mildosiiddisguin dorvodiehtun dahje poastta mielde.
Pántenmerkema sihkkun dahje nuppástuhttin
Pántenmerkema sihkkuma ohca tiippalaččat loanaaddi nappo pántaoažžu. Pántenmerkema sihkkumii ii dárbbaš laktit miehtama, go ohccin lea lanjadatdiehtovuogádahkii merkejuvvon pántaoažžu.
Loanaaddi sáhttá ohcat pántenmerkema nuppástuhttima ovdamearkka dihte ruhtameari dahje ovdasaji oasil. Pántenmerkema nuppástuhttimii dárbbašuvvo dan miehtan, gean sajádat hedjona nuppástusa geažil.
Pántenmerkema sihkkun dahje nuppástuhttin ohccojuvvo ohcamušain (suomagillii).
Gieđahallanáigi
Geahča ohcamušaid ja eananmihtidanbálvalusaid gaskamearalaš gieđahallanáiggiid Ohcamušaid gieđahallanáiggit -siiddus (suomagillii).