Oasuslanjadaga oamastus sáhttá leat juogo báberhámát oasusgirji dahje elektrovnnalaš oamasteaddjimerken lanjadatdiehtovuogádagas.
Ovdal gávppi dahkama
- Juos oasuslanjadagas lea elektrovnnalaš oamasteaddjimerken, čájet oastái oasuslanjadatčáláhusa. Sáhtát oastit iežat oasuslanjadaga čáláhusa áššiiddikšunbálvalusas (suomagillii).
- Juos oasuslanjadagas lea báberhámát oasusgirji, gávppiid gánneha dahkat báberhámát oasusgirjjiin. Oasti ohcá oamastusa registrerema gávppi maŋŋá.
- Fuom! Juos juogatkeahtes jápminbeasi osolaččat vuvdet jábmi namas leahkki oasuslanjadaga, oamastusa registrerema gánneha dahkat ovdal gávppi.
Gávpedahkandilis
- Fuom! Atte oastái váldegirjji fitnodatčoahkkimii oassálastima várás, go gávpegirji ii leat gokčevaš duođaštus oassálastinvuoigatvuođas. Ásodatsearvi dárkkista oamasteaddjidieđuid lanjadatdiehtovuogádagas, muhto oamastusa registreremis sáhttá ádjánit moadde mánotbaji.
- Juos oasuslanjadagas lea elektrovnnalaš oamasteaddjimerken, atte oastái miehtama (suomagillii) oamastusa registreremii.
- Juos oasuslanjadagas lea báberhámát oasusgirji, daga gávppi oktavuođas oasusgirjái sirdinmerkema ja luobat báberhámát oasusgirjji oastái.
Gávppi dahkama maŋŋá
- Ođđa oamasteaddji ohcá gávppi dahkama maŋŋá iežas oamastusa registrerema lanjadatdiehtovuogádahkii.
Geahča maid
Áššiiddikšunveahkki: Ná registreret oasuslanjadaga oamastanvuoigatvuođa (suomagillii). Áššiiddikšunveahkis sáhtát dárkkistit, mo oasuslanjadaga oamastus registrerejuvvo ásodatgávppi oktavuođas.
Dieđut ja rávvagat ásodatgávpái (suomagillii) Gilvvohallan- ja golaheaddjivirgedoaimmahaga neahttasiidduin.